Eurosocial

EUROsociAL foi unha iniciativa de cooperación técnica da Comisión Europea para promover a cohesión social en América Latina a través do intercambio de experiencias entre Administracións Públicas, e, en concreto, entre as institucións responsables das áreas prioritarias de Educación, Emprego, Fiscalidade, Administración da Xustiza e Saúde. Trátase dunha iniciativa que contou co apoio político ao máis alto nivel e que tivo a pretensión de converterse a medio prazo nun dos principais vectores da relación entre a Unión Europea e América Latina.

O SECTOR FISCALIDADE articulouse (desde o ano 2005 ata o ano 2010), por medio dun consorcio de institucións europeas e latinoamericanas, lideradas polo Instituto de Estudos Fiscais de España, e tivo como obxectivo influír sobre as políticas públicas e as prácticas institucionais de xestión que no ámbito da fiscalidade teñen repercusións sobre a cohesión social.

Os participantes europeos do consorcio foron:

• Instituto de Estudos Fiscais - IEF - España.
• InWEnt Capacity Building International - InWEnt - Alemaña .
• GIP. Assistance au Développement des Échanges en Technologies Économiques et Financières - ADETEF - Francia.
• Fundación Centro de Educación a Distancia para o Desenvolvemento Económico e Tecnolóxico - CEDDET - España.

Por parte de América Latina formaron parte do consorcio:

• Centro Interamericano de Administraciones Tributarias - CIAT.
• Servicio de Administración Tributaria - SAT - México.
• Administración Federal de Ingresos Públicos AFIP - Argentina.
• Secretaria da Receita Federal - SRF - Brasil.
• Dirección de Impuestos y Aduanas Nacionales - DIAN - Colombia.

Foron membros asociados:

• A AXencia Estatal de Administración Tributaria de España (AEAT).
• A Organización Iberoamericana da Seguridade Social (OISS).
• O Instituto Centroamericano de Administración Pública (ICAP).

EUROsociAL- Fiscalidade comezou en outubro de 2005 e tivo unha duración de catro anos. O proxecto foi financiado pola Unión Europea ao 80 por cento, sendo achegado o restante 20 por cento polos integrantes europeos do consorcio, que foron os encargados da execución e administración do proxecto.

Ao finalizar o proxecto, procurábase que as institucións latinoamericanas beneficiarias da intervención contasen con ferramentas para adoptar orientacións e procedementos de xestión de políticas públicas tendentes á cohesión social e que fortalezan a súa capacidade de execución das devanditas políticas nas catro áreas temáticas definidas: 1) políticas fiscais; 2) administracións fiscais e recursos humanos; 3) orzamento e gasto público; 4) financiamento territorial e seguridade social.

Para acadar este obxectivo o proxecto contemplou unha serie de actividades:

• Identificación de boas prácticas e de demanda.
• Actividades para a sensibilización de actores claves nas sociedades latinoamericanas.
• Seminarios presenciales.
• Visitas de familiarización.
• Asistencias técnicas.
• Cursos on-line ou presenciais.
• Proxectos piloto.
• Creación e fortalecemento de redes temáticas e do Portal EUROsociAL Fiscalidade.

Para máis información: Portal EUROsociAL Fiscalidade