Recoñecimiento público ao Instituto de Estudos Fiscas
- En xuño de 2006, o Instituto de Estudos Fiscais (IEF) resultou gañador do XII Premio de Economía de Castela e León Infanta Cristina , ao destacarse, segundo o fallo do xurado, a «dedicación desta institución á investigación económica aplicada ao longo de case medio século, converténdose en referencia internacional e nacional como centro de investigación, estudo e debate dos problemas da Economía Pública no seu máis amplo sentido». Segundo a acta do xurado, o Instituto de Estudos Fiscais veu prestando un extraordinario servizo como nexo entre as tomas de decisións no ámbito da Facenda Pública e os estudos teóricos de base. Desde a súa creación, o IEF procurou ser un centro de investigación, estudo e debate dos problemas da Facenda Pública no seu máis amplo sentido; un núcleo receptor e difusor de ideas e experiencias propias do ámbito financeiro público e un lugar de reflexión e formación de especialistas en economía do sector público. O Instituto é, asemade, un punto de referencia obrigado para investigadores e estudosos da Facenda Pública. As súas publicacións son ben coñecidas tanto no ámbito científico como no mercado editorial español.
-
En febreiro de 2010, o Instituto de Estudos Fiscais recibiu un recoñecemento pola súa participación no Programa Educativo Modelo de Parlamento Europeo que celebrou a súa 10ª edición na Asemblea de Madrid. Este é un programa de “debate” organizado pola Obra Social de Caja Madrid e a Fundación San Patricio, que goza dun gran prestixio entre os estudantes de 1º de Bacharelato e dos Ciclos Formativos de Grao Medio e que tivo nos seus anos de vida unha importante repercusión na formación de mozas e mozos españois desas idades. O programa ófrecelle a oportunidade á mocidade de debater temas de actualidade seguindo o protocolo da Cámara de Estrasburgo. A modo de exemplo, abonda con dicir que os alumnos e alumnas participantes na décima edición foron case 54.000 pertencentes a 13 Comunidades Autónomas.
O programa Modelo de Parlamento Europeo (MEP segundo as súas siglas en inglés) alcanza o seu X aniversario no noso país. Para celebrar estes dez anos de fomento na mocidade da conciencia de cidadanía europea e a cultura de debate parlamentario construtivo, celebrouse a Asemblea Xeral da X Sesión Nacional do Modelo o luns día 22 de febreiro na Asemblea de Madrid, en que foron premiadas distintas personalidades do mundo político europeo e educativo que apoiaron o programa ao longo destes anos. Os galardoados foron o ex presidente do Parlamento Europeo e Presidente de Honra de MPE, D. José María Gil Carballos; o embaixador especial para proxectos de integración coa UE, D. Carlos Carneiro; o presidente do Consello Escolar da Comunidade, D. Francisco López Rupérez; o Director Xeral do Instituto de Estudos Fiscais, D. José María Labeaga, e a presidenta da Asemblea de Madrid, Dª Elvira Rodríguez. No acto tamén participou a Directora-Xerente da Obra Social de Caja Madrid, Dª Carmen Contreras.
O IEF participou nesta X edición por primeira vez no programa e fíxoo de xeito moi activo, axudando a preparar o tema “A crise económica: prevención da fraude fiscal internacional”. A evidencia de que así foi, vén demostrada co recoñecemento outorgado ao Instituto de Estudos Fiscais por parte da Obra Social de Caja Madrid e da Fundación San Patricio, recollendo a escultura representativa de tal evento o Director Xeral do IEF, quen manifestou unhas palabras de agradecemento e fíxolles patente na Asemblea de Madrid o seu recoñecemento público ás traballadoras e traballadores do Instituto que prepararon toda a documentación, que lles expuxeron aos patrocinadores os termos da potencial colaboración e que tiveron todo listo para que a participación do Instituto fose un éxito, compartindo con eles o premio concedido e felicitándolles publicamente polo compromiso e o traballo ben feito.
INSTITUTO DE ESTUDOS FISCAIS
Avda. Cardenal Herrera Oria, 378 28035 - MADRID
Tel. 91 339 88 00 | informacion@ief.minhap.es